TOP նոր
» » ՀՀ գլխավոր դատախազությունը և ԵԽ Երևանի գրասենյակը կշարունակեն ակտիվ պաշտոնական և աշխատանքային շփումները

ՀՀ գլխավոր դատախազությունը և ԵԽ Երևանի գրասենյակը կշարունակեն ակտիվ պաշտոնական և աշխատանքային շփումները

10-09-2021, 09:47 Դիտումներ: Հայաստան
10 Սեպտեմբեր 2021, 09:47 - NovostiNK
ՀՀ գլխավոր դատախազությունը և ԵԽ Երևանի գրասենյակը կշարունակեն ակտիվ պաշտոնական և աշխատանքային շփումները


ՀՀ գլխավոր դատախազությունում տեղի է ունեցել ՀՀ գլխավոր դատախազի պաշտոնակատար, ՀՀ գլխավոր դատախազի տեղակալ Գևորգ Բաղդասարյանի և Երևանում Եվրոպայի խորհրդի գրասենյակի ղեկավար Մարտինա Շմիդտի հանդիպումը։

Ինչպես «Արմենպրես»-ին տեղեկացրին ՀՀ արդարադատության նախարարությունից, Գևորգ Բաղդասարյանը շնորհավորել է Մարտինա Շմիդտին Երևանում Եվրոպայի խորհրդի գրասենյակի ղեկավարումն ստանձնելու կապակցությամբ և բարձր գնահատել քրեական արդարադատության համակարգի բարեփոխումների ոլորտում ԵԽ ցուցաբերած աջակցությունը։

«Հանդիպման շրջանակում մանրամասն քննարկվել են գրասենյակի աջակցությամբ իրականացվող բարեփոխումների ինչպես ընթացիկ ծրագրերը, այնպես էլ մշակվող գործողությունների նոր պլանում ներառվելիք բարեփոխումների նոր ուղղություններ»,- ասվում է հաղորդագրության մեջ։

Ըստ աղբյուրի՝ կողմերը պատրաստակամություն են հայտնել շարունակել ակտիվ պաշտոնական և աշխատանքային շփումները՝ իրականացվող ծրագրերի արդյունավետությունը բարձրացնելու նպատակով։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS