TOP նոր
» » ԵԽ նախարարներն այցելել են Զինվորի տուն

ԵԽ նախարարներն այցելել են Զինվորի տուն

19-10-2021, 14:05 Դիտումներ: Հայաստան
19 Հոկտեմբեր 2021, 14:05 - NovostiNK
ԵԽ նախարարներն այցելել են Զինվորի տուն


Եվրոպայի խորհրդի նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն:

Պատվիրակության կազմում են եղել ԵԽ-ում Ֆինլանդիայի, Ֆրանսիայի, Անդորրայի, Էստոնիայի, Իսլանդիայի, Շվեյցարիայի, Ռուսաստանի մշտական ներկայացուցիչ-դեսպանները:

Պատվիրակության անդամները Զինվորի տան տնօրեն Հայկուհի Մինասյանի և «Հերացի» թիվ 1 հիվանդանոցային համալիրի տնօրեն Արեն Բաբլումյանի ուղեկցությամբ շրջել են Զինվորի տանը, ծանոթացան զինվորների բուժման պայմաններին:

Հյուրերն արձանագրել են, որ չնայած իրենց մեծ փորձին, այսպիսի վերականգնողական կենտրոն ոչ մի երկրում չեն հանդիպել: Դեսպանները կարևորել են հատկապես կրթական, սոցիալական վերաինտեգրման ծրագրերը, որոնք Զինվորի տանը իրականացվում են վերականգնողական բուժմանը զուգահեռ:

Պատվիրակության ղեկավար, ԵԽ Նախարարների կոմիտեի Ժողովրդավարության հարցերով զեկուցողների խմբի նախագահ, ԵԽ-ում Շվեդիայի մշտական ներկայացուցիչ Դեսպան Մարթեն Էհնբերգին Հայկուհի Մինասյանը նվիրել է վերականգնողական բուժում անցնող տղաների ձեռքով պատրաստված բնական թիթեռով կոմպոզիցիան։


Աղբյուրը՝ Armradio

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS