TOP նոր
» » » Սերժ Սարգսյանի եղբորորդին՝ Նարեկ Սարգսյանը, տեղափոխվել է Հայաստան

Սերժ Սարգսյանի եղբորորդին՝ Նարեկ Սարգսյանը, տեղափոխվել է Հայաստան

21-12-2019, 12:14 Դիտումներ: Իրավունք, Տեսանյութ, ՕՐՎԱ ԹԵՄԱ
21 Դեկտեմբեր 2019, 12:14 - NovostiNK
Սերժ Սարգսյանի եղբորորդին՝ Նարեկ Սարգսյանը, տեղափոխվել է Հայաստան

Դեկտեմբերի 21-ին ոստիկանության ծառայողների ուղեկցությամբ Չեխիայից Հայաստան տեղափոխվեց Սերժ Սարգսյանի եղբորորդին՝ Նարեկ Սարգսյանը: ՀՀ ոստիկանության լրատվական ծառայությունը հրապարակել է տեսանյութ՝ օդանավակայանից նրա տեղափոխումից:

Հիշեցնենք, որ 2018 թվականի հունիսի 26-ին ՀՀ Ազգային անվտանգության ծառայությունում քրեական գործ էր հարուցվել՝ քրեական օրենսգրքի ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:

Հուլիսի 6-ին Նարեկ Սարգսյանի նկատմամբ հայտարարվել էր հետախուզում, հուլիսի 24-ին՝ միջազգային հետախուզում:

Ոստիկանության տարբեր ստորաբաժանումներ, ինչպես և ՀՀ-ում Ինտերպոլի ազգային կենտրոնական բյուրոն, համագործակցելով եվրոպական մի շարք երկրների իրավապահ կառույցների ու Ինտերպոլի հետ, ծավալուն օպերատիվ-հետախուզական միջոցառումների շնորհիվ, դեկտեմբերի 6-ին Պրահայում հայտնաբերել էին ՀՀ իրավապահ մարմինների կողմից միջազգային մակարդակով հետախուզման մեջ գտնվող Նարեկ Ալեքսանդրի Սարգսյանին:

Չեխիայի Հանրապետության իրավասու մարմինների կողմից որոշում էր կայացվել բավարարել հետախուզվող Նարեկ Սարգսյանին քրեական հետապնդման ենթարկելու նպատակով ՀՀ իրավապահ մարմիններին հանձնելու մասին ՀՀ գլխավոր դատախազության միջնորդությունը:

Հարուցված քրեական գործի նախաքննությունը շարունակվում է։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS