TOP նոր
» » » Պեսկովն արձագանքել է «Իսկանդեր»-ի առնչությամբ Փաշինյանին սխալ զեկուցելու վերաբերյալ հայտարարությանը

Պեսկովն արձագանքել է «Իսկանդեր»-ի առնչությամբ Փաշինյանին սխալ զեկուցելու վերաբերյալ հայտարարությանը

1-03-2021, 13:59 Դիտումներ: Հայաստան » Քաղաքական
1 Մարտ 2021, 13:59 - NovostiNK
Պեսկովն արձագանքել է «Իսկանդեր»-ի առնչությամբ Փաշինյանին սխալ զեկուցելու վերաբերյալ հայտարարությանը


Ռուսաստանի Դաշնության նախագահ Վլադիմիր Պուտինի մամուլի խոսնակ Դմիտրի Պեսկովը գոհունակություն է հայտնել ՀՀ վարչապետ Նիկոլ Փաշինյանի մամուլի խոսնակ Մանե Գևորգյանի այն հայտարարության առնչությամբ, որ վարչապետին «Իսկանդեր»-ի իրավիճակի առնչությամբ ճիշտ չի զեկուցվել: Այս մասին Պեսկովն ասել է ՌԻԱ Նովոստիի հետ զրույցում:

«Շատ կարևոր է, որ ճշմարտությունն այս հարցում վերականգնվել է»,- նշել է Պեսկովը:

ՀՀ վարչապետը և Ռուսաստանի Դաշնության նախագահը վերջերս կայացած հեռախոսազրույցի ընթացքում ի թիվս այլ հարցերի՝ քննարկել են նաև Հայաստանի կողմից «Իսկանդեր» համակարգի կիրառման վերաբերյալ ՀՀ վարչապետի հայտարարությունը: Այս հարցը «Արմենպրես»-ի հետ զրույցում պարզաբանել է ՀՀ վարչապետի խոսնակ Մանե Գևորգյանը: «Հայաստանի վարչապետն առկա փաստերի և տվյալների համադրության արդյունքում եկել է եզրակացության, որ իրեն այս իրավիճակի առնչությամբ ճիշտ չի զեկուցվել: Ավելին, վարչապետի հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ: Կասկած չի հարուցում և այն հանգամանքը, որ ռուսական զենքը լավագույններից է աշխարհում: Հայաստանի Հանրապետությունը շարունակում է սերտ համագործակցությունը Ռուսաստանի Դաշնության հետ՝ ռազմական արդյունաբերության և բարձր տեխնոլոգիաների ոլորտներում և մտադիր է քայլեր ձեռնարկել այն էլ ավելի խորացնելու ուղղությամբ»,-նշել է Գևորգյանը:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS