TOP նոր
» » » Թուրքիան սպառնալիք է Հայաստանի համար. Ռոբերտ Քոչարյան

Թուրքիան սպառնալիք է Հայաստանի համար. Ռոբերտ Քոչարյան

6-04-2021, 09:25 Դիտումներ: Հայաստան » Քաղաքական
6 Ապրիլ 2021, 09:25 - NovostiNK
Թուրքիան սպառնալիք է Հայաստանի համար. Ռոբերտ Քոչարյան


Հայաստանի համար սպառնալիքը Թուրքիան է: Ասել է ՀՀ երկրորդ նախագահ Ռոբերտ Քոչարյանը ռուսական Առաջին հեռուստաընկերությամբ հեռարձակվող Վլադիմիր Պոզների հեղինակային հաղորդմանը՝ պատասխանելով Հայաստանի առաջ ծառացած խնդիրների մասին հարցին:

«Սպառնալիքը մեզ համար գոյաբանական է, պատմական է: Թուրքիան ընդունում է հայերին որպես սպառնալիք, և մենք էլ ընդունում ենք թուրքերին որպես սպառնալիք:

Դրանով է բացատրվում փակ սահմանը, դիվանագիտական հարաբերությունների բացակայությունը: Սպառնալիքն այն է, որ Թուրքիան սահմանի բացման պարագայում կփորձի Հայաստանում անել այն, ինչ Աջարիայում՝ իր բիզնեսի, իր տնտեսության տեսանկյունից: Ես այստեղ որոշակի վտանգ եմ տեսնում»,- ասել է Ռ.Քոչարյանը:

ՀՀ երկրորդ նախագահ խոսքով, Հայաստանի պատմական կողմնորոշումը դեպի Ռուսաստան վրդովեցնում է ոչ միայն Թուրքիային, նաև ամերիկացիներին, շատերին:

«Հայաստանում բավականին ակտիվ աշխատում են ուժեր, որոնք փորձում են խաթարել այդ հարաբերությունները, մեղադրել Ռուսաստանին այն բանում, որ մենք պարտվել ենք պատերազմում և այլն: Այսպես կոչված, հասարակական կազմակերպությունները, որոնք իրենց գլոբալ են համարում և իբրև գլոբալ արժեքներ են քարոզում, նրանք Հայաստանում շատ ակտիվ են աշխատում: Եվ մենք տեսնում ենք, թե ինչպես է խարխլվում մեր ինքնության հիմքը: Մեզ ուզում են համոզել, որ պետք է փոխել վեկտորը, կողմնորոշումը, ազատվել նախկին կարծրատիպերից:
Դա տեղի է ունենում ամենօրյա ռեժիմով:



Հայաստանը փոքրիկ երկիր է, համաձայն եմ, հարուստ չէ, բայց իր աշխարհագրությամբ, ըստ էության, որոշակի հետաքրքրություն է առաջացնում»,- ասել է Քոչարյանը:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS