TOP նոր
» » » «Հայրենիքը» հայտարարեց ՀՀԿ-ի հետ քաղաքական դաշինք կազմելու գործընթացի մեկնարկի մասին

«Հայրենիքը» հայտարարեց ՀՀԿ-ի հետ քաղաքական դաշինք կազմելու գործընթացի մեկնարկի մասին

1-05-2021, 11:36 Դիտումներ: Հայաստան » Հասարակություն
1 Մայիս 2021, 11:36 - NovostiNK
«Հայրենիքը» հայտարարեց ՀՀԿ-ի հետ քաղաքական դաշինք կազմելու գործընթացի մեկնարկի մասին


«Հայրենիք» կուսակցությունը հայտարարեց հնարավոր արտահերթ խորհրդարանական ընտրություններին մասնակցելու և ՀՀԿ-ի հետ քաղաքական դաշինք կազմելու գործընթացի մասին։ Ասուլիսում հայտարարեց «Հայրենիք» կուսակցության մամուլի քարտուղար Սոս Հակոբյանը։

Նա ընթերցեց կուսակցության խորհրդի որոշումը.

«Հաշվի առնելով Հայաստանի Հանրապետության առջև ծառացած աշխարհաքաղաքական և ներքաղաքական մարտահրավերները,

Հիմք ընդունելով այսօր Հայաստանում իրեն իշխանություն համարող աղետաբեր և պարտվողական վարչախմբին րոպե առաջ հեռացնելու հրամայականը,

Առաջնորդվելով հանուն հայրենիքի պայքարը համագործակցային մթնոլորտում կազմակերպելու վճռականությամբ և ազգային ուժերի հետ գործակցելու պատրաստականությամբ,

Արձանագրելով, որ «Հայրենիք» կուսակցությունն իր անզիջում ու արմատական պայքարով ճանապարհ է բացել նաև գաղափարական և ազգային այլ ուժերի համար,

Եվ վերջապես՝ հիմնվելով այն համոզմունքի վրա, որ սա պայքար է՝ հանուն անվտանգ ու արժանապատիվ Հայաստանի և Արցախի Հանրապետությունների ապագայի՝ «Հայրենիք» կուսակցության խորհուրդը որոշեց՝

Մասնակցել հնարավոր արտահերթ խորհրդարանական ընտրություններին և սկսել Հայաստանի Հանրապետական կուսակցության հետ դաշինք կազմելու գործընթացը:

Արձանագրելով, որ ճգնաժամային այս իրավիճակում աղետաբեր և պարտվողական վարչախմբի դեմ ազգային լայն համախմբումը կենսական անհրաժեշտություն է՝ համոզված ենք, որ ի դեմս այս դաշինքի՝ իրագործելու ենք մեր ազգի և ժողովրդի կամքն ու երազանքը»։



Աղբյուրը՝ Panorama

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS