44-օրյա պատերազմի ավարտից հետո օրեր անց՝ նոյեմբերի 13-ին, Արցախի Հանրապետության փրկարար ծառայողների գործուն մասնակցությամբ սկսվել էր զոհված զինծառայողների աճյունների որոնողական աշխատանքները։ Նոյեմբերի 13-ից հետո Ադրբեջանի վերահսկողության տակ անցած տարածքներից հայտնաբերվել ու տարհանվել է 1786 աճյուն։
Պատերազմի ընթացքում՝ սեպտեմբերի 27-ից նոյեմբերի 9-ն ընկած ժամանակահատվածում ռազմադաշտից ու հրթիռակոծվող բնակավայրերից տարհանվել է 1415 մարմին։
Այս տվյալները հայտնում է ԱՀ ներքին գործերի նախարարության ոստիկանության հասարակայնության հետ կապի և լրատվության ծառայության պետ Հունան Թադևոսյանը։
