«Եթե կոնկրետ պատճառների մասին եք հարցնում, ԱԱԾ-ին պետք է հարցնեք, բայց որքան ես տեղյակ եմ, չորրորդ անձի մուտքն է արգելվել, նրանք բոլորը կապված են մեկ միջադեպի հետ։ Այն է՝ մեր պետական դրոշը կրող մեքենայի վրա ֆիզիկական հարձակումը»,- պատասխանելով լրագրողի հարցին, թե ինչո՞ւ է արգելվել սփյուռքի որոշ դաշնակցական գործիչների մուտքը Հայաստան՝ ասաց Սփյուռքի գործերի գլխավոր հանձնակատար Զարեհ Սինանյանը։
Նրա խոսքով՝ բողոքի ակցիայի տարբեր ձևեր կան, այդ թվում ֆիզիկական հարձակումը:
«Ձու նետելը պետական սիմվոլները կրող որևէ բանի վրա, ներառյալ մեքենայի, որի վրա Հայաստանի դրոշն է ու որի մեջ նստած է Հայաստանի վարչապետը, դա բողոքի անընդունելի ձև է»,-հայտարարեց Սինանյանը։
