TOP նոր
» » » Մտորելու թեմա. Ինչ է ուզում թաղել Ահմեթ Դավութօղլուն

Մտորելու թեմա. Ինչ է ուզում թաղել Ահմեթ Դավութօղլուն

5-05-2014, 16:40 Դիտումներ: Մամուլ » Արևմտյան
Մտորելու թեմա. Ինչ է ուզում թաղել Ահմեթ Դավութօղլուն
5 Մայիս 2014, 16:40 - NovostiNK
Բրիտանական «The Guardian» պարբերականը տպագրել է Թուրքիայի ԱԳ նախարար Ահմեթ Դավութօղլուի` «Թուրքեր և հայեր. մենք պետք է հետևենք Էրդողանի հայտարարությանը և թաղենք մեր ընդհանուր ցավը» խորագրով հոդվածը:

Ստորև ներկայացնում ենք հոդվածը` որոշ կրճատումներով:

«Պատմությունը լի է հնարավորությունների վատմամբ: Իշխանության գլուխ կանգնածները պետք է գնահատեն իրական ժամանակում պահերի բացակայության ռիսկը: Դեռ 2009թ-ին, երբ մեկնում էի Ցյուրիխ` ստորագրելու Հայաստանի կառավարության հետ համաձայնագիրը, ես զգում էի, որ համաձայնագիրը կկարգավորի Թուրքիա-Հայաստան հարաբերությունները և էական ու դրական ազդեցություն կունենա ամբողջ Կովկասի վրա:

Թուրքերը և հայերը հարաբերություններ են ունեցել դարեր շարունակ: Հայերը Օսմանյան կայսրության ամենալայնորեն ինտեգրված համայնքներից էին, որոնք մեծապես հարստացրել են կայսրության սոցիալական, մշակութային, տնտեսական և քաղաքական կյանքը, և անասելի արժեք են ներկայացրել կայսրության զարգացման տեսակետից պատերազմների և խաղաղության հաջորդական շրջաններում:
Օսմանյան հայերի ազդեցությունը երկրի ինտելեկտուալ կյանքում և արվեստի բնագավառում հնարավոր չէ գերագնահատել: Ազգությամբ հայ Էդգար Մանասը օրինակ Թուրքիայի ազգային հիմնի ստեղծողներից մեկն էր:

19-րդ դարի Օսմանյան ճարտարապետությունն առանձնացել է օսմանյան սուլթանների կողմից պատվիրված և հայ ճարտարապետների կողմից կառուցված շինություններով, հատկապես Բալյան ընտանիքի կառուցապատողներով:

Առանձնահատուկ հիշատակման են արժանի Ստամբուլի այնպիսի հանրահայտ ճարտարապետական կոթողներ, ինչպիսին են կայսերական Դոլմաբահչե և Բեյլերբեյի պալատները, որոնք վերագրվում են Բալյաններին, այնպես, ինչպես Բոսֆորի երկայնքով կառուցված մի քանի նշանակալից մզկիթներ:

Գաբրիել Նորադունքյանը 1912-13 թ-ին եղել է Օսմանյան կայսրության ԱԳ նախարար: Մոտավորապես 5 միլիոն օսմանյան քաղաքացիներ իրենց նախնիներին արտաքսել են: Հայկական համայնքի մի զգալի մասի տեղահանման հետևանքները անընդունելի էին և անմարդկային:
Կարո՞ղ են արդյոք իրադարձությունների շարադրման թուրքական և հայկական տարբերակները մերձենալ, հնարավո՞ր է արդյոք «արդարացի հիշողության» հանգել», հավատալով, որ սա հնարավոր է: Թուրքիան առաջարկել է ստեղծել թուրք և հայ պատմաբաններից կազմված միացյալ հանձնաժողով, որը կուսումնասիրի 1915 թվականի իրադարձությունները: Ստեղծվելու դեպքում, նման հանձնաժողովի եզրակացությունները կարող են բերել այս ողբերգական շրջանի առավել լավ ընկալմանը, և հուսով եմ` օգնել կարգավորել մեր հարաբերությունները:

Գրեթե մեկ դար տևող առճակատումն ապացուցել է, որ մենք չենք կարող խնդիրը լուծել մինչ մենք չլսենք և չհասկանանք միմյանց:
Օսմանյան հայերին ցավակցություն հայտնելը դա մարդկության պարտականությունն է: Ես կոչ եմ անում հնարավորությունից օգտվել և միանալ մեզ Թուրքիա-Հայաստան ավելի լավ հարաբերություններ կառուցելու համար:

Վարչապետ Էրդողանի հայտարարությունն այս ուղղությամբ աննախադեպ և համարձակ քայլ է: Ես հավատում եմ, որ ժամանակն է ներդրում կատարել այս հարաբերություններում: Թուրքիան պատրաստ է»:


Աղբյուրը՝ Panorama

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS