TOP նոր
» » » Դեսպան. Ուկրաինան հպարտանում է իր հայ համայնքով

Դեսպան. Ուկրաինան հպարտանում է իր հայ համայնքով

20-03-2014, 12:26 Դիտումներ: Տարածաշրջան » ԱՊՀ
20 Մարտ 2014, 12:26 - NovostiNK
Դեսպան. Ուկրաինան հպարտանում է իր հայ համայնքով«Մենք շատ ենք հպարտանում Ուկրաինայի հայ համայնքով: 2000-ականների սկզբին մարդահամարի համաձայն Ուկրաինայում ապրում էր 121 հազար հայ, բայց այսօր իմ կարծիքով, Ուկրաինայում ապրում է շուրջ 350-400 հազար հայ: Հայ համայնքն ու հայկական մշակույթը լայն ներկայացված է երկրում, իսկ մեր հարաբերությունները հազարամյա պատմության ունեն, ընթացքում շատ լավ են զարգացել ու հետագայում էլ այդպես կզարգանան»,- լրագրողների հետ հանդիպմանը հայտարարեց ՀՀ-ում Ուկրաինայի արտակարգ և լիազոր դեսպան Իվան Կուխտան` ավելացնելով, որ հայերը Ուկրաինայում ներկայացված են բոլոր մակարդակներում, այդ թվում և պետական:

Ինչ վերաբերում է ներկա քաղաքական իրավիճակին, ապա պաշտոնյան նշեց, որ Ուկրաինան պատրաստ է բանակցել Ռուսաստանի հետ, ինչպես նաև Ղրիմի ղեկավարության և միջազգային ատյանների ներկայացուցիչների հետ. «Ես վստահ եմ, որ դիվանագիտական միջոցները դեռ սպառված չեն»,- ընդգծեց նա:

Բայց և հիշեցրեց, որ գոյություն ունի Ուկրաինայի Սահմանադրությունը, համաձայն որի Ղրիմի ինքնավար հանրապետությունը մտնում է Ուկրաինայի կազմի մեջ. «Այդքանը կասեմ»,- հավելեց նա:

Անդրադառնալով հարցին, թե արդյո՞ք կիսում է վերլուծական այն կարծիքը, թե Ռուսաստանը պարտվել է տեղեկատվական պատերազմը Արևմուտքում, բայց հաղթել է այն իր երկրի ներսում, դեսպան Կուխտան ասաց, որ կդժվարանա հիմա ասել ով է պարտվել տեղեկատվական պատերազմում, քանի որ այդ ամենը շատ շուտ ի հայտ կգա և բոլորս դա կտեսնենք:

Չմոռացավ գովել հայկական ԶԼՄ-ներին, որոնք, դեսպանի գնահատմամբ, արտացոլել են ուկրաինական զարգացումների իրական պատկերը:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS