TOP նոր
» » » Արցախում ռուս խաղաղապահները նախաձեռնել են «Ընտանեկան պատմություն-հաղթանակի պատմություն» ակցիան

Արցախում ռուս խաղաղապահները նախաձեռնել են «Ընտանեկան պատմություն-հաղթանակի պատմություն» ակցիան

6-04-2021, 09:32 Դիտումներ: Տարածաշրջան » Լեռնային Ղարաբաղ
6 Ապրիլ 2021, 09:32 - NovostiNK
Արցախում ռուս խաղաղապահները նախաձեռնել են «Ընտանեկան պատմություն-հաղթանակի պատմություն» ակցիան


Արցախում Ռուսաստանի խաղաղապահ զորախմբի զինծառայողները նախաձեռնել են «Ընտանեկան պատմություն-հաղթանակի պատմություն» Հայրենական մեծ պատերազմում տարած հաղթանակի 76-ամյակին նվիրված ակցիա: Այդ մասին հաղորդագրություն է հրապարակել ՌԴ ՊՆ-ն:

Ակցիան մեկնարկել է Ասկերանի շրջանի Խանաբադ գյուղի 104 զինծառայողների հուշարձանի մոտից, ովքեր զոհվել են 1941-1945թթ. հիտլերյան կոալիցիայի դեմ մղված մարտերում:

Որպեսզի երիտասարդ սերնդի ներկայացուցիչները հետաքրքրվեն Հայրենական մեծ պատերազմի թեմայով և բացառվի պատմության աղավաղումը, Ռուսաստանի խաղաղապահ զորախմբի զինծառայողները կշարունակեն պարբերաբար անցկացնել Արիության դասեր: Ուսուցիչների հետ միասին խաղաղապահները պարբերաբար կհանդիպեն դպրոցականների և ուսանողների հետ և կպատմեն նրանց 1941-1945 պատերազմի հերոսների սխրանքների մասին:

Բացի «Ընտանեկան պատմություն-հաղթանակի պատմություն» գործողությունից, Ռուսաստանի խաղաղապահ զորքերի մարդասիրական արձագանքման կենտրոնը, համագործակցելով Մարտակերտի, Մարտունու և Ասկերանի շրջանների վարչակազմերի հետ, նախաձեռնել է Հայրենական մեծ պատերազմի ընթացքում զոհված տեղաբնակների հիշատակին նվիրված հուշարձանների վերականգնման աշխատանքներ:

Այս գործողությունները, որոնք իրականացվում են Արցախում ռուսական խաղաղապահ զորախմբի անձնակազմի անմիջական մասնակցությամբ, կտևեն մինչև մայիսի 9-ը` Հաղթանակի օրը:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS