Reuters գործակալությունը հաղորդում է, որ ՌԴ նախագահ Վլադիմիր Պուտինը հեռախոսազրույց է ունեցել Գերմանիայի կանցլեր Անգելա Մերկելի հետ եւ տվել է իր համաձայնությունը՝ Ղրիմում ստեղծված իրավիճակն ուսումնասիրելու համար ստեղծել աշխատանքային խումբ՝ ԵԱՀԿ հովանու ներքո:Թե հիշյալ աշխատանքային խումբը երբվանից կսկսի գործել, ինչ ֆորմատով կամ կազմով՝ դեռեւս պարզ չէ:
Նշվում է, որ զրույցի ընթացքում Մերկելը մեղադրել է Պուտինին, որ վերջինս խախտում է միջազգային համաձայանագրերը եւ չի հարգում Ուկրաինայի տարածքային ամբողջականությունը:
Երկու երկրների ղեկավարների միջեւ հեռախոսազրույցը տեղի է ունեցել մարտի 2-ի երեկոյան:
