Թուրքիան Սիրիայի հյուսիսում կարող է ցամաքային գործողության նախապատրաստվել: «ՌԻԱ նովոստի»-ի փոխանցմամբ՝ այդ մասին գրել է Yeni Şafak-ը՝ հղում անելով իր աղբյուրներին։
«Սուր և ճանկ» գործողության ընթացքում սպանվել է ահաբեկիչների 89 քուրդ: Սպանվել են PKK-ի զինյալներ, այդ թվում՝ մի քանի բարձրաստիճան ղեկավարներ: Գործողությունը դիտվում է որպես Սիրիայում հնարավոր ցամաքային հարձակման առաջին քայլ»,-գրում է թերթը։
Հաղորդվում է, որ ողջ երկրի վեց տարբեր բազաներից օդ բարձրացող ինքնաթիռները միաժամանակյա գործողություններ են իրականացրել Սիրիայի և Հյուսիսային Իրաքի թիրախների դեմ:
«Գործողության ընթացքում, որն իրականացվել է մարտական և աջակցության ինքնաթիռներով, ինչպես նաև անօդաչու թռչող սարքերով, ոչնչացվել են թիրախներ, այդ թվում՝ զինյալներին պատկանող ապաստարաններ, բունկերներ, քարանձավներ, թունելներ և պահեստներ»,-նշվում է հրատարակության մեջ։
Նախօրեին Թուրքիայի պաշտպանության նախարարությունը հայտարարել էր Սիրիայի հյուսիսում և Իրաքում քրդական կազմավորումների դեմ «Ճանկեր և սուր» օդային գործողության մեկնարկի մասին։ Նախարարության տվյալներով՝ քրդերը այդ երկրների հյուսիսային տարածքները որպես հենակետեր են օգտագործում Թուրքիայի վրա հարձակումներ իրականացնելու համար։
