TOP նոր
» » ԿԺԴՀ-ն երկու բալիստիկ հրթիռ Է արձակել Ճապոնական ծովի կողմը

ԿԺԴՀ-ն երկու բալիստիկ հրթիռ Է արձակել Ճապոնական ծովի կողմը

15-09-2021, 11:29 Դիտումներ: Աշխարհ
15 Սեպտեմբեր 2021, 11:29 - NovostiNK
ԿԺԴՀ-ն երկու բալիստիկ հրթիռ Է արձակել Ճապոնական ծովի կողմը


ԿԺԴՀ-ն չճանաչված արկ Է արձակել Ճապոնական ծովի կողմը: Այդ մասին հաղորդել Է «Ռյոնհապ» գործակալությունը, տեղեկացնում Է «Արմենպրես»-ը: Հարավային Կորեայի շտաբների պետերի միավորված կոմիտեի (JCS) տվյալներով՝ Հյուսիսային Կորեան սեպտեմբերի 15-ին երկու բալիստիկ հրթիռի արձակում Է իրականացրել Ճապոնական ծովում:

Նրանք նշել են, որ չճանաչված տեսակի հրթիռներն արձակվել են սեպտեմբերի 15-ի ցերեկը, Հյուսիսի կենտրոնական ներքին շրջաններից: Հարավային Կորեան ԱՄՆ-ի զինվորականների հետ համատեղ վերլուծում Է արձակման մանրամասները: Ճապոնիայի կառավարությունն ավելի վաղ հայտարարել Էր, որ, հնարավոր Է, ԿԺԴՀ-ից բալիստիկ հրթիռ Է արձակվել: Կառավարությունը նշել Է, որ տեղեկություն Է հավաքում արձակման վերաբերյալ:

Երկրի պաշտպանության նախարարությունում հայտարարել են, որ հրթիռներն ընկել են Ճապոնիայի բացառիկ տնտեսական գոտու սահմաններից այն կողմ: Ավելի վաղ Հյուսիսային Կորեան հայտարարել Էր մեծ հեռահարության նոր տեսակի թեւավոր հրթիռների հաջող փորձարկումների մասին:

Փհենյանի պնդմամբ, փորձարկումները տեղի են ունեցել հանգստյան օրերին: Նոր տեսակի հրթիռների վրա աշխատանքը տեւել Է երկու տարի: ԿԿՀԳ (Կորեայի կենտրոնական հեռագրական գործակալություն) հյուսիսկորեական գործակալությունը մեծ հեռահարության թեւավոր հրթիռները համարել Է «ռազմավարական զենք, որը չափազանց կարեւոր նշանակություն ունի», հաղորդել Է «Ինտերֆաքս»-ը:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS