TOP նոր
» » » 2016-ին Սիրիայում սպանվել է ավելի քան 650 երեխա. ՅՈւՆԻՍԵՖ

2016-ին Սիրիայում սպանվել է ավելի քան 650 երեխա. ՅՈւՆԻՍԵՖ

13 Մարտ 2017, 12:07 - NovostiNK
2016-ին Սիրիայում սպանվել է ավելի քան 650 երեխա. ՅՈւՆԻՍԵՖ

ՄԱԿ-ի զեկույցում ներկայացվել է, որ 2016 թվականին սիրիական հակամարտության ընթացքում զոհվել են ռեկորդային թվով երեխաներ։ ՄԱԿ-ի մանկական հիմնադրամի՝ ՅՈւՆԻՍԵՖ-ի տվյալներով անցած տարի Սիրիայում սպանվել է ավելի քան 650 երեխա,- գրում է BBC-ի ռուսական ծառայությունը։

Եվս մի քանի հարյուրը մահացել են հիվանդություններից, որոնք կարելի էր բուժել անհրաժեշտ դեղորայքի և բուժօգնության առկայության դեպքում՝ ասվում է զեկույցում։

Զեկույցը հրապարակվել է Սիրիայում զինված հակամարտության մեկնարկի 6-ամյակի նախօրեին։
Մեկ շաբաթ առաջ միջազգային բարեգործական Save The Children կազմակերպությունը հայտարարել էր այն մասին, որ Սիրիայում երեխաներն ապրում են «թունավոր սթրես», որը կարող է մեծ տարիքում հանգեցնել առողջական լուրջ խնդիրների, այդ թվում հոգեկան։

ՅՈւՆԻՍԵՖ-ի տվյալներով՝ անցած տարի առնվազն 851 երեխա հարկադրված է եղել մասնակցելու մարտական գործողություններին զինված խմբավորումների կողմից։ Ցուցանիշը կրկնակի ավելի է, քան մեկ տարի առաջ։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS