TOP նոր
» » » Քանյե Ուեսթը ցանկացել է դառնալ ԱՄՆ նախագահ

Քանյե Ուեսթը ցանկացել է դառնալ ԱՄՆ նախագահ

5-07-2020, 10:27 Դիտումներ: Աշխարհ » ԱՄՆ
5 Հուլիս 2020, 10:27 - NovostiNK
Քանյե Ուեսթը ցանկացել է դառնալ ԱՄՆ նախագահ


Ռեփեր Քանյե Ուեսթը հայտարարել է, որ իր թեկնածությունն է առաջադրել ԱՄՆ նախագահի պաշտոնում: Այս մասին նա գրել է Twitter-ի իր էջում։

«Այժմ մենք պետք է իրականացնենք Ամերիկայի հույսերը՝ վստահելով Աստծուն, միավորելով մեր տեսլականը և կառուցելով մեր ապագան։ Ես առաջադրվում եմ Միացյալ Նահանգների նախագահի պաշտոնում», — գրել է Քանյե Ուեսթը՝ իր հրապարակումը նշելով #2020VISION հեշթեգով։

Կատարողի մտադրությանը հավանություն է տվել միլիարդատեր եւ Space X ընկերության ղեկավար Իլոն Մասկը: Նա ռեփերի Twitter-ի գրառմանը մեկնաբանություն է հավելել, որում հայտարարել է, որ Ուեսթը կարող է «լիակատար աջակցություն» ակնկալել:

Անցյալ տարվա նոյեմբերին Քանյե Ուեսթը, ելույթ ունենալով Նյու Յորքում Fast Company Innovation Festival նորարարությունների փառատոնում, խոսել է 2024 թվականին ԱՄՆ-ի նախագահական ընտրություններին մասնակցելու մտադրության մասին: Այդ ժամանակ հանդիսատեսը նրա խոսքերը ծիծաղով դիմավորեց։

Քանյե Ուեսթը հիփ-հոփի ամերիկացի կատարող է, ռեփեր, պրոդյուսեր, կոմպոզիտոր եւ դիզայներ։ Նա ծնվել է 1977 թվականին։ Բազմիցս կոչվել է 21-րդ դարի մեծագույն արտիստներից մեկը։ Նա ընդգրկվել է ամենավաճառվող կատարողների և բարձր վարձատրվող հայտնիների շարքում։ Ամուսնացած է մոդել և ռեալիթի շոուի աստղ Քիմ Քարդաշյանի հետ:

ԱՄՆ-ի 46-րդ նախագահի ընտրությունները նախատեսված են 2020 թվականի նոյեմբերի 3-ին:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS