2023 թվականին Հայաստանը շատ ավելի մաքսատուրք է ուղարկել ԵԱՏՄ ընդհանուր կաթսա, քան ստացել է ընդհանու կաթսայից։ Կառավարության նիստից հետո լրագրողների հետ զրույցում ասաց ՊԵԿ նախագահ Ռուստամ Բադասյանը:
Նա ասաց, որ 2023-ին 73 միլիարդ դրամ է ստացել ՀՀ-ն ԵԱՏՄ-ից, մոտ 140 միլիարդ էլ Հայաստանն է ուղարկել:
Հարցին` շահավե՞տ է` շատ տալ, բայց քիչ ստանալ, ՊԵԿ նախագահը նշեց, որ մշտապես Հայաստանն ավելի շատ ստացել է, ավելի քիչ ուղարկել. «Մինչև մեկ տարի առաջ մշտապես ավելի շատ ստացել ենք, ավելի քիչ ուղարկել, պետք չէ միայն մեկ հանգամանք հաշվի առնել, կան բազմաթիվ գործոններ, բայց չեմ մեկնաբանի դա»։
