«Երկու դեպքում էլ բավականին մեծ աշխատանք է կատարվել։ Շատ մեծ ազդեցություն կարող է ունենալ»,- ԱԺ-ում լրագրողների հետ զրույցում ասաց Սյունիքի մարզպետ Ռոբերտ Ղուկասյանը՝ անդրադառնալով հարցին, որ Սյունիքի մարզում Իրանն է հյուպատոսություն բացվել, հիմա էլ ցանկություն ունի Ռուսաստանը բացել։
Նա մեծ հույս ունի, որ սա վերջին հյուպատոսարանը չի լինելու, որ բացվում է Սյունիքում։
Լրագրողի դիտարկմանը, որ կա «լավրովյան» երկրորդ պլան, որ Սյունիքը դարձնեն ռուս-թուրքական և հենց այդ նպատակով են բացում, որ վերահսկեն, Ռոբերտ Ղուկասյանը նշեց. «Ես չգիտեմ՝ ով ինչ է ասում, բայց Սյունիքը եղել է, կա և կլինի հայկական: Դա մեր մեր հայրենիքի անբաժանելի մասն է: Այսպես պետք է մտածի ցանկացած հայ և սա քննարկման ենթակա չէ: Թե ով ինչ պլաններ ունի Սյունիքում, դա իրենց խնդիրն է, համենայնդեպս, մինչև այս պահը այդ պլանները չեն աշխատել և շատ լավ է, որ չեն աշխատել: Վստահ եմ, որ դեռ երկար ժամանակ չեն աշխատելու»:
