Արձագանքելով իշխանական պատգամավոր, գործարար Խաչատուր Սուքիասյանի հայտարարություններին՝ ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը գրում է.
«Խաչատուր Սուքիասյան, 4 տարի և ավել շարունակ ինչ հարցեր ասես, որ չեն տալիս լրագրողները, որոշները բարոյականության չափն անցնելով(ի դեպ սրանց մասով ասում են ձեր հետ կապ ունեն): Պատկերացնո՞ւմ եք, եթե ինձ չկարողանայի տիրապետել ինչ տխուր պատկեր կստացվեր, օրինակ այնպես ինչպես ձեզ մոտ եղավ այսօր(ձեր դեպքում լրագրողն ի դեպ ոչ մի սահման չի անցել): Դե, իսկ հիստերիկայի մյուս մասի հետ կապված դատարանում բացատրությունը կտաք»։
Հիշեցնենք, որ Խաչատուր Սուիքասյանն իրեն տիրապետել չէր կարողացել հինգերերոդ ալիք հեռուստաընկերության լրագրողի հարցից հետո, որը վերաբերում է «Սիլ պլազա» կենտրոնի շենքն ապօրինի ձեռք բերելուն։
«Դուք 5-րդ ալիքից եք, չէ՞, դուք անհարմար չե՞ք զգում, ապօրինի գույքը ձեր էս ալիքի սեփականատիրոջն է։ Ուշադիր լսեք։ Մենք ամեն ինչ ձեռք ենք բերել բիզնեսով: Ձեզ հարց եմ տալիս՝ ձեր սեփականատերը՝ գող, ավազա՜կ, կյանքում ոչ մի բան չի արել էս երկրի համար, ոչ մի բիզնեսի մեջ չի եղել, միլիարդավոր դոլարներ ունի: Դուք դրա իրավունքը չունեք լրատվություն կոչվելու, դուք՝ ձեր Ռոբերտ Քոչարյանի ու մնացածի հետ գնացե՛ք էդ միլիարդները բերե՛ք: 400-500 բնակարան… մարդիկ մնացել են առանց բնակարանի, Հյուսիսային պողոտան կառուցվել է: Ինձ մյուս նախագահն է ասել։ Սերժ Սարգսյանն ասել է, որ 320 բնակարան Ռոբերտ Քոչարյանից հետո մնացել է մեզ, մարդիկ առանց բնակարան են մնացել, ասում է՝ մենք ենք առել, տվել դա»,-ձեռքը թափահարելով սկսել էր բղավել Սուքիասյանը։
